فح رئيس الزمالك المستشار مرتضى منصور النار من جديد على جميع من هم داخل القلعة البيضاء وعلى من هم خارج القلعة ايضاً ، حيث في تصريحات له اليوم الأحد ادان الجميع في تقصيرهم بالمباريات سواء مدرب او جهاز فني او لاعبين .


حيث قال في تصريحات له: " كلنا في حالة حزن من نتائج الفريق في ماتشين إنبي ومازيمبي ، وكله هيتحاسب لينا قعدة مع ميتشو بكرة ، هو عنده ظروف مش هنحكيها دلوقتي الا لو هو قرر يحكيها " .


وتابع منصور: " مفيش لاعب له فلوس عندي ، لما يكون لاعب عقده 7 مليون جنيه ومتاخرله 100 ألف جنيه هل ده عنده دم ، إحنا لينا فلوس عند الشركة الراعية 60 مليون خصموا 40 عشان قناة الزمالك ، أنا مش عايز القناة خلاص ، خليني في ال٣ ساعات كل يوم " .


وعن خالد الغندور قال: " خالد الغندور بيقول لميتشو باي باي ، ده احنا يا اخي مقولناش باي باي ، أنت بتتكلم باسم مين ، أنت رفضت تطلع في حلقة خاصة عشان الفلوس " .


وعن طارق حامد أيضا قال : " طارق حامد أول مرة أسمع عن حاجة اسمها إصابة في الظهر ، أنا مش هغير عقود لو السماء انطبقت على الأرض " .


وفي قرار ناري قال للاعبين الذين دعمو ميتشو بعد الخسارة من مازيمبي: " العيال اللي كانت عاملة تأييد لميتشو على المواقع ، أنا معاكم وهتتغرموا كل واحد 300 ألف جنيه ، أنا قولت ممنوع اللاعيبة تكتب على مواقع التواصل ، ما كنتوا تدعموه في الملعب ياراجل انت وهو ، انتوا اللي بتقعدوا وتمشوا المدربين ، مش أنا يالا أنت وهو " .


وعن نجله أمير: " أمير الوحيد اللي اعترض على التعاقد مع ميتشو وقال محترم وكل حاجة بس فيه حاجة ملهاش علاقة بالفنيات ، و14 خبير بخط ايدهم وقعوا على اختيار ميتشو مدرب للزمالك " .


ومن جانبه قرر مجلس إدارة الأبيض تأجيل حسم مصير الصربي ميتشو ، المدير الفني للفريق حتى غدا الإثنين ، لحين عقد جلسة معه ، وذلك عقب اجتماع مجلس الإدارة اليوم الأحد .


كل هذا جاء إثر تلقى خسارة أمس للزمالك أمام مازيمبي الكونغولى بثلاثة أهداف دون رد ، في افتتاح مباريات المجموعة الأولى بدور المجموعات لدوري أبطال أفريقيا ، حيث أنها تعد الهزيمة الثانية على التوالي ، عقب الخسارة أمام إنبي يوم الاثنين الماضي بهدفين مقابل هدف ، في الجولة السادسة من مسابقة الدوري الممتاز .